A
autoorientación en tempos de confinamento por Covid-19 pode ser un
recurso valioso, e non só para agora, senón para dotarnos a longo prazo
de estratexias que nos permitan ser autónomos buscando información e
utilizándoa no noso proxecto de vida.
É certo que a falta de acompañamento profesional directo pode ser un
hándicap, pero á vez pode ser un acicate para aprender novas estratexias
na vida. Os momentos de crise, ben aproveitados, poden ser unha
oportunidade valiosa para aprender parándonos a pensar cales son as
nosas prioridades e reinventándonos. Nas nosas máns está aproveitala ou
deixala pasar e incluso caer no desánimo. Eu espero que isto último non
vos pase e que á volta me contedes con ilusión o que aprendestedes neste
período de confinamento, e o que descubristedes de vós mesmos. Canto
mellor sexa o voso autocoñecemento, mellor será a vosa elección
académica e profesional, e a vosa adaptación no resto de eidos da vida:
persoal (con vós mesmos), social (familiar, amizades, escolar...)...
Por todo isto déixovos una serie de recursos para a autoorientación. Xa sabedes que o autocoñecemento é
un dos pilares fundamentais na Orientación. Os outros dous son a
información académica e profesional e a toma de decisións. Así que vos
deixo unha lista de recursos para cada unha das fases, e tamén para as
vosas familias. Elixide os vosos e elaborade o voso proxecto vocacional e
de vida clicando aquí.
PROBAS DE ACCESO Á UNIVERSIDADE - PAU - TÁBOAS DE PONDERACIÓN
Déixovos aquí dous enlaces coas táboas de ponderación para o acceso á Universidade, que agora se chama PAU. Como sabedes estas táboas de ponderación aplícanse para a fase específica, que é voluntaria, que depende da carreira á que desexedes acceder, e que serve para subir nota: para chegar á cualificación de 14 . Coa fase obrigatoria da PAU que pondera un 40% máis o 60% da nota do Bac só se pode chegar ao 10. A mesma nota que é posible acadar cursando un ciclo de FP de Grao Superior. 1. A primeira é para o acceso á Universidade no curso 2025/2026 , é dicir será tida en conta para esta convocatoria de xuño-xullo. Vemos que hai modificacións importantes para entrar, por exemplo, en Mediciña. 2. A segunda é para o acceso á Universidade no curso 2026/2027 . Serviralle ao alumnado que agora se atopa en 1º de Bac.
